తాను నేను

మునిగిపోయా కనిపించని
నీ చూపుల మాయలో..

తడిసిపోయా
నీ పిలుపుల బుజ్జగింపులలో..

ఒదిగిపోవాలి
నీ ఒడిలో వెచ్చని శ్వాసనై..

పారేసుకున్న
నీ నీడలలో నా జాడని..

అద్దుకున్న
నా అరచేతిలో నీ పెదవి చెమ్మను..

పవళించనా
నీ ఎదపై నా చోటు ఇదేనని..

చీకటికి కాటుక చుక్క పెట్టా
చిట్టి పెదవి పై చిరునవ్వుకు ఏ దిష్టి తగలనివ్వకని..

ఓయ్....కనుల దుప్పటి కప్పేయకోయ్
నీ ముంగిట నిలిచిన ఈ క్షణాన్ని..

అల్లుకుపోదాం
మరలి రాని ఈ ఘడియలను..

✍️అరుణిమలు