తాను నేను

ఏ పూజకో పూచే నవ్వులను ఏరుతున్న
ఏ నోముకో కోరే వరాన్ని వెతుకుతున్న..

ఏ వరానివై వచ్చి వరిస్తావనో
మనసు గడపకు రాసిన పసుపై ఎదురు చూస్తుంది..

ఏ మహిమవై వచ్చి మాయచేస్తావో అని
ముస్తాబయ్యింది ఈ సొగసు..

అరచేత చందమామ వై
పాదానికి అద్దిన పారాణివై
నుదుటి మధ్యన పొద్దు పొడిచే భాస్కరుడు వై
నాలో భాగమై పోతావని..

జుంకాలు చెబుతున్నాయి నీ చిలిపి చేతలు
మట్టి గాజులు చెబుతున్నాయి ఆనక మేం చేసే గాయాలను కసరకంటూ..

ముడిస్తే నిలవని కురుల అల్లరి
మాట మాటకు వస్తున్న వెక్కిళ్ళు చెబుతున్నాయి
నీ రాక దగ్గర్లోనే ఉందని..

కోరికల పల్లకిలో
భవిష్యత్తు బాజాల నడుమ
ఆశల బాసికాన్ని కట్టుకుని
విచ్చేయవోయ్..

✍️అరుణిమలు