తాను నేను

యాదృచ్ఛికమేనా నీ రాక
లేక గతజన్మ ఋణమా..

ఏ వెతుకులాటలో ఫలితమో
నా మనసులో నువ్వు దాచిన ప్రేమ..

వరసైన నా సొగసువేమో
మానసాన తిష్ట వేసింది నీ మోము..

అడుగులో అడుగులు కలుపుతూ
అలకల చిలక ఎదను దోచి, దాచేసుకున్నావు..

ఎంత దగ్గరో కదా మనం
ఏ దూరానికి చోటివ్వలేని కనురెప్పలం..

విడివిడిగా మనం అసంపూర్ణమే
ఏకమైన చోట వసంతమే..

ఏ మాయలో ఆరితేరావో కానీ
నా మనసు నీ వశమై చిక్కు కుంది..

జాగ్రత్తరోయ్...నీ చేతిలో ఉన్నది
నీ జతను చేరినది...
నీ ఎదను వాలింది నేనని మరవకు..

నమ్మకాన్ని ఇచ్చేసా...
నగు పాలు చేసి... అగచాట్లు రుచి చూపించకే

చిక్కిన ఈ చెలి ప్రేమని
చుక్కగా చేసి అలంకరించేసుకో
నీ కంటిలో కనుపాపలా..

లోకమంతా నువ్వే అప్పుడు
నా లోకమే నువ్వు ఇప్పుడు.

✍️అరుణిమలు