తాను నేను

ఈ ప్రేమలు గట్రా 

నాకు తెలియదంటావు..

నాలుగు రోజుల 

నా మౌనానికి చిన్నపిల్లాడిలా

అల్లాడి పోతావు..

ప్రేమించడం 

నాకు రాదంటావు..

ఎన్ని జరిగిన ఏమయ్యినా

నిన్ను వదిలేది లేదని 

మాటిస్తావు..

ప్రేమ మీద

నమ్మకం లేదంటావు..

నీ ఎద భారంగా ఉన్నప్పుడు

నా ఒడిలో చేరిపోవడానికి

నన్ను వెతుకుతూ వస్తావు..

నా నుండి ప్రేమను

ఆశించకంటావు..

కోపంలో నేను వదిలి

పోతుంటే 

ఎందుకు నన్ను ఆపలేదు

అంటావు..

ప్రేమంటూ అధికారం

చేయకంటావు..

నన్ను అనే హక్కు నీకే ఉంది

నే పడేది నీ దగ్గరే అని

నాతో క్లాస్ పీకించుకుంటావు..

అసలు

ఈ ప్రేమంటే ఏంటో

నీకు తెలియదా

నాకు తెలియదా

అనిపిస్తుంది..

మరి 

మన మధ్య

ఉన్నది ఏంటోయ్..

✍️అరుణిమలు