తాను నేను

కసిరే కోపం నీదే

అక్కున చేర్చుకునే మనసు నీదే..

ఆవేశాన్ని చూపిస్తావు

అధికారం ఇస్తావు..

నా కోపాన్ని భరిస్తావు

నే గీసిన దూరాలను చెరిపేస్తావు..

అలకంటే చిరాకంటావు

అలిగితే లాలిస్తావు..

తగ్గడమే తెలియని వాడివి

తలొంచి ఒడిలో వాలిపోతావు..

నన్ను దూరం చేసుకోలేని

నువ్వు దూరం జరగని బంధం ముడి వేస్తావు..

మాటలతో దాడి చేయడం

ఆనక గంధాన్ని గోముగా రాయడం..

నా కోపాన్ని చూసి నవ్వడం

యుద్దానికి రమ్మంటు ఆహ్వానం ఇవ్వడం..

నువ్వంటే నేనంటు

నేనంటే నువ్వంటు 

వేరుకామంటు..

 

వెనుతిరిగిన ప్రతీసారీ

నన్ను నీ గుండెల్లో దాచేసుకున్నావు..

ఏ బంధమో తెలియని

బంధనంలో బంధీని చేసావు.‌.

అరె.........

నిన్ను ఎందుకు వదులుకుంటార

ఎంత దూరంలో ఉన్న

ఈ మనసు నీ చెంతనే ఉంటుంది

చూసుకో కావాలంటే..

✍️అరుణిమలు