తాను నేను

నీపై ఇష్టాన్ని చూపించలేను...కోపాన్ని ప్రదర్శించలేను..

ఇదేగా నువ్వు కోరుకున్నది... ఇలాగే కదా నేను ఉండాలని నువ్వు ఆశించినది..

నేను నేనులా ఉండేదే నీ ముందర...ఇప్పుడు నీ ఎదుట ఉన్నది నువ్వు మలుచుకున్న నేను కాని నేను..

నా భావోద్వేగాలన్ని మౌనంలో సమాధి అయిపోయాయి...నీపై నా భావాలన్ని అక్షరాలకు పరిమితమై పోయాయి..

కలతలు లేని, అలకలు రాని అన్యోన్య జంట మనం... ఒకరి కోసం ఒకరమై, ఎవరికి ఎవరమో తెలియని మనసులు మనవి..

✍️అరుణిమలు