తాను నేను

నేను అలిగితేనో

బెట్టు చేస్తేనో

నువ్వు మాటలు కలుపుతావు..

లేదంటే

యాంత్రికమే కదా

మన జీవితాలు..

ఒకరికి సమయం కావాలి

ఒకరికి తీరిక దొరకాలి..

నువ్వు నాతో ఉండే కొద్ది క్షణాల కోసం

ఎన్నో యుగాల సంఘర్షణ ఎదుర్కొంటున్న..

మనసెలా ఉన్న

నువ్వు ఎదురైన క్షణాన 

నన్ను నేను మరచిపోతుంటా కావాలని..

ఙ్ఞాపకాల కాలాన్ని హత్తుకుంటున్న

ఎదలో రాలిపోతున్న ఆశలకు శ్వాసను నింపేందుకు..

ఎలా... ఎలాగోయ్

ఈ గుప్పెడు గుండెల్లో నిన్ను

గుప్పెట దాచిన‌ దుఃఖాన్ని 

భరించేది...

✍️అరుణిమలు