కనిపించే మనం.. మనం కానేకాదు
నిజమే.. ఇష్టాలు,ఆలోచనలు,అభిప్రాయాలు..
వ్యసనాలు,పరిస్థితులు ఇలా ఎన్నో రకాల కలబోతే కదా మనిషి..
నేనేంటి..?? ఇది నాకు మాత్రమే తెలిసిన నిజం..
ఎవరికి వారే ఇక్కడ..ఇంకొకరికి అర్ధమయింది అన్నట్లు అనిపించే..
అర్థం కాని, కాలేని పజిల్స్ మనం..
సమాజానికి నేను ఇది.. అని మాత్రమే చూపించుకునే
అవకాశం ఉన్నవాళ్ళం..
ఇక్కడే.. నిన్ను నువ్వు చూపించుకునే చోటే తెలిసేది
నీ బలం,నీ ఆత్మవిశ్వాసం ఏంటన్నది..
గెలుపు.. ఓటములు ఇక్కడ నిన్ను నువ్వు చూపించుకునే
దాని మీదే ఆదారపడి ఉంటాయి...
లోలోపల నువ్వు ఓడుపోతునే ఉండాలి...
లోకానికి విజేతగా కనిపించాలి అంటే...
చాలా స్వేచ్ఛ ఉంది మనకి... కాని మనకు నచ్చినట్టుగా మాత్రమే
మనం ఉండలేనంత..
అన్నీ ఉన్నాయి మనకి... నాది అనే ఒక సొంత జీవితం తప్పించి..
నోరు ఉన్న జీవులం... మనసు విప్పి ఇష్టాల్ని పంచుకోలేని మూగవాళ్ళం..
అందంగా బతికేద్దాం అబద్ధంలో...నిజాలను మనసు పొరలలో దాచేసి..
తెంచేయాలనే ఉంటుంది ఈ కనిపించని కట్టుబాట్లు అనే సంకెళ్ళను..
కాని ఇక్కడ మనుగడ ఎలా సాధ్యం అప్పుడు...
ఇదే లోకం.. ఇక్కడ ఇంతే.. ఇలానే ఉండాలి..తప్పదు ఓ మనసా
..........అరుణని..........
No comments:
Post a Comment