తాను నేను

నాతో నేను...నాలో నేను ఆ రోజు నుండి ఈ రోజు వరుకు
మాట్లాడుతునే ఉన్నాను.... మౌనంగా
నాకు అలవాటు లేనిది ఈ మౌనం అయినా నను అల్లుకుపోయింది
నా ప్రశ్నలకు జవాబులు వెతుకుతున్నాను
నను నేను ప్రశ్నించుకుంటు..బదులిచ్చుకుంటు..మందలించుకుంటు
నేను వెతుక్కుంటున్నది నన్నే అయినా నాకు నేను కనిపించడం లేదు
నా ఆలోచనలకు అలుపు అన్నదే రావట్లేదు
ఇదా నేను..కాదే..నచ్చలేదు ఇలా ఉండడం..
ఎవరి ఆనవాళ్ళో నాలో ఏంటి
తుడిచేయాలి..నాకు నేను చాలు
ఎక్కడ పోగొట్టుకున్నది అక్కడే వెతకాలి అంటారు
పోగొట్టుకున్న చోటులో నా జాడలు ఆనవాలుకి కూడ మిగిలుండవని తెలుసు
అందుకే నాలో నేను.. నాతో నేను..సంఘర్షణ చేస్తున్నాను
వెతుకుతునే ఉన్నాను ఉంటాను దొరికేవరుకు
......అరుణని.....