తాను నేను

నా భావాలలో నువ్వు ఎప్పుడు
బందీవే ఇక్కడ..

కంటి నిండా
కన్నీరు ఉన్న చెరగని రూపానివే నువ్వు...

నీ తలపే
ఇప్పుడు తపస్సు నాకు..

నువ్వు వద్దు నాకు
అనే పదాన్ని పలకడానికి
అధరాలెంత బెదిరాయో...

నువ్వు పలికించాలి అనుకున్న
ఆ పదాన్ని పలకడానికి
నాతో నేను ఎంత పోరాడానో..

మనసు వేస్తున్న ప్రశ్నలకు
మౌనాన్ని జవాబుగా ఇస్తూ
ఎదురొస్తున్న కాలంలో ఎదురీదుతున్న..

భరించలేనప్పుడు
బాధ్యతగా తీసుకోలేనప్పుడు
నీకెందుకు ఈ ప్రేమంటూ
ఎద రొద పెడుతుంది..

మెదడు లెక్కలు
మనసుకు అనవసరం కదా
ఏదైనా భరించేయ్ అంటుంది..

అందుకే
మనసు గుచ్చి గుచ్చి
గాయాలను చేస్తుంది
నాకెందుకు ఈ వేదన అంటూ..

ముణ్నాళ్ళ ముచ్చట్లు
అంటే ఇవేనా..

సరదాగా ఉన్నప్పుడు
సర్దుకుపోయి..

భారంగా ఉన్నప్పుడు
భరించలేనంటు
మనసును తుంచేయడం
ఇంత తేలికా..

ఒసే మనసా...
నాలో ఉన్న నువ్వు
నన్ను వదిలేసి ఎవరి కోసమో
ఏడుస్తావేమే..

స్వార్ధం నేర్చుకో కొంచెం
నువ్వు బతుకు
నన్ను బతకనివ్వు..

✍️అరుణిమలు