తాను నేను

కళ్ళ నిండా కానుకలే
నీ చూపుల కౌగిలిలో దాచుకున్నవి..

కనురెప్పల నీడన
కావలి కాస్తున్న కోరికలు ఒకపక్క..

పెదవి ఒలకపోస్తున్న
పరువపు ఊసులలో తడబాటులు ఎన్నో..

నా శ్వాస పదే పదే పలికే
నీ పేరుకి అంకితమే ఈ ప్రాణం..

కనుబొమ్మల మధ్య బంధీవైన
కోర మీసపు రోషం ఎర్రని రంగులలో వెలుగుతుంది..

నువ్వు నా దానివనే నీ హక్కులో
నా గర్వం తల ఎత్తుకుని ఉందోయ్...

నేను నీ మనిషిని అనే బలం
బాధ్యతను కూడా ఇచ్చింది..

నీ బంధంలో బంధీనై పోయానేమో
చిన్న అలజడి కూడా బాధిస్తుంది..

భయమో, ఏ భావమో తెలియదు కానీ
మన మధ్యలో మన నీడలను కూడా సహించలేనంత అసూయ నన్ను చుట్టేస్తుంది..

మనమనే కథలో
ప్రతీరోజు ఒక కావ్యమే ఈ ప్రేమ పుస్తకంలో..

✍️అరుణిమలు