తాను నేను

నమ్మించేసా మనసుని
నేను నీకోసం అని..

ఇప్పుడు నా కోసం
నా తోడుగా ఉండమంటే
పొమ్మంటుంది...

ఎక్కడ నువ్వంటు
వెతుకుతునే ఉంది ఇంకా మనసు..

నువ్వుండే చోటు తెలియదా
దానికి...!?

ఎదురు పడినా కూడా
చూపులు ఎందుకో నేలను వీడనంటున్నాయి..

ఆలోచనలలో ఉన్న దానికి
వాస్తవానికి ఉన్న వ్యత్యాసం చూసేందుకు జంకుతుంది.. 

కలలు ఎక్కడివి
మనసు మేల్కొనే ఉంటుంటే..

ఊహలకు, నిజాలకు
ఇంత తేడానా..

అందని ఊహలలో ఊరిస్తూ
నిజంలో వెనకడుగు వేయిస్తూ

అటా,ఇటా
ఎటు అంటూ పరీక్ష పెడుతుంది..

✍️అరుణిమలు