తాను నేను

దేహానికి దాహంగా ఉంది
మనసేమో ఎండమావిలా మారింది..

ఉరుములు లేని
మెరుపులే నీ కలలు..

నీ ఊహల‌ జడివానలో నడుస్తూ
ఏకాంతాల కోనలో..

చైత్రాన్ని మరిచిన ఒక కోయిల గీతం
ఏ కాన లోనో రానున్న నీకై..

నలుదిశలా
నన్ను ధరణినై పరుచుకున్న నీకై..

మానసాన మండు వేసవిలా
మంట పెడుతుంది..

నిశి రాత్రిలో ఏ తారవై
తొంగి చూస్తున్నావో నిదుర మాని..

వేకువలో ఓ చినుకై
ఆ నింగి నుండి జారిపోవోయ్ నాపై..

అప్పటి వరకు ఆగదుగా ఈ అక్షరాల ప్రవాహం..!!

✍️అరుణిమలు