ఈ సిగ్గు దేనికని అంటావే
తెలియదా..నీకు 😍
నీ ఊహ సైతం నన్ను
ఉక్కిరిబిక్కిరి చేస్తుందే..
మరి నా చెంత నువ్వు
ఉంటే సిగ్గు రాక ఇంకేమొస్తుంది
నా నవ్వులు నీ ఎద
సవ్వడితో లయ కలుపుతుంటే
ఉలికిపడుతుంది చూడు
ఆ మారుతం
చల్లని వెన్నెల సైతం చందనాలు
జల్లుతూ వందనాలు చెబుతుంది
మన ఇద్దరికీ
జాబిలి వచ్చి జామయ్యాకనా
నీ రాక అని అలగాలని ఉంది
కాని నీ నాలుగు కళ్ళు
నను నలువైపులా బందించేస్తున్నాయే
వెన్నెల కూడా వేడెక్కుతుంది
నీ అల్లరిని భరించలేక
చూడు మబ్బులు చాటున
దాగిదాగి మరీ తొంగి చూస్తున్నాడు
నా చంద్రుడుని ఆ చంద్రుడు
......అరుణని.....
No comments:
Post a Comment