తాను నేను

నీ ఇష్టాలు గుర్తు ఉన్నాయి...
నీ అలవాట్లను మరచిపోలేదు...

నీ ఆలోచనలను గమనించగలను...
నీ వెంటే నా ఆలోచనలు నడిచాయి ఎప్పుడు...

నీ సుఖంలో భాగం
కోరుకోలేదు ఏనాడు..

నీతో నువ్వు గడిపే
ఏకాంత క్షణాల్లో నేనో భాగం కావాలి...

భారమైన నీ మనసును
నేనున్న నీ వెంట అంటూ హత్తుకోవాలి...

నేనో లాలన మాత్రమే
కావాలి అనుకున్న....

కానీ ఏనాడు నాకు మిగిలింది
నిరీక్షణ, నిరుత్సాహమే...

ఐనా నీకు దగ్గరై పెనవేసుకుంటున్న
మనసును చూసి భయం వేసింది...

రేపటి రోజున నువ్వనే అలవాటు
నన్ను ఎక్కడ, ఎలా నిలబడుతుందో అని..

నీ మీద కోపంతో
నీకు దూరంగా జరగలేదు..

ఇష్టం ఎక్కువై
అదెక్కడ రేపు నిన్ను కష్టపెడుతుందో
అని దూరం జరిగా..

నేను పడుతున్నది చాలు
నువ్వు కూడా దేనికని..

✍️అరుణిమలు