తాను నేను

ఈ దూరాలను
ఏ తీరాలకో విసిరేయాలని ఉంది..

నీ తలపో
పరీక్షగా మారి ప్రశ్నలను సంధిస్తుంది..

ఇద్దరు కలిసి
గడిపిన కాలం గుప్పెడంత..

కానీ.......
ఈ గుండెలో నీ ఙ్ఞాపకాలు
ఉప్పెనలా ఎగసి పడుతుంది...

క్షణమైన విడవలేనంత
నా ఆశ కాస్త..

నీ ఆలోచనల హారతిలో
కర్పూరమై కరిగిపోతుంది..

కాలమంత ఎదురు చూపుల
నావలో సాగిపోతుంది..

నా ఒంటరి ఊహల్లో
జంటగా మాత్రం సాగేది నువ్వే కదూ..

హ్మ్......
జగమంతా కుటుంబమే
నీ జతే లేని ఈ లోకంలో

కాసిన్ని కలలు
కొన్ని ఊహలు
మరికొన్ని నిరాశలతో..

కాలం గడిచిపోతుంది
నిర్లిప్తంగా, నిశ్శబ్దంగా
మనసు నిండా తుఫానుల తాకిడితో..

✍️అరుణిమలు