రాత్రి చెప్పే ఊసులు వింటూ
నిదురకు జోకొట్టిన రోజులు ఎన్నో...
పెదవి పలక లేని ప్రశ్నలు
జవాబులు వినలేని సంఘటనలు
ఎన్నో పోటీ పడుతుంటాయి..
చెప్పేది ఒకటైతే వినేది ఇంకొకటిలా
మధ్యలో ఏవో ఊహాలు
వాస్తవాలకు లేపనంగా..
కనులు ఒలకపోస్తున్న గంగలో
ఎంత ఓదార్పో ..
తలగడ ఊ కోడుతుంది
తడి చెంపలను తడుముతు..
గతమంతా గతుకుల అతుకులై
గేలి చేసి మనసును గిల్లేస్తుంటే..
గాయమైన నమ్మకాల నీడన
భవిష్యత్తును అనుమానంగా చూస్తూనే
గడిచిపోతుంది ప్రతీ రాత్రి...
✍️అరుణిమలు
No comments:
Post a Comment