తాను నేను

అడగక ఇచ్చే వరాలు
ఎదలో దాగే తీపి ఙ్ఞాపకాలే ఎప్పటికీ..

అడిగడిగాక తీర్చే వరం
అద్దంలో చందమామ లాంటిదే మనది కాదు..

తలపుంటే దారి ఉంటుంది
వలపుంటే చోటు ఉంటుంది

ఇష్టం ఉంటే ఇరుకైన చోటు విశాలమవుతుంది
కలిసి ఉందామంటే గడిపేందుకు కాలం మిగులుతుంది..

నాది అనుకుంటే
నిరీక్షణకు వదిలేయవు..

మనం అనుకుంటే
మరో అవకాశం ఉందా
అనే ప్రశ్న మధ్య లోకి రానివ్వవు..

ఏదైనా....
మనసులో చోటు ఉంటే
మరుగున పడే గతం కాము ఎప్పటికీ..

ఇద్దరు దగ్గరవడం కష్టం కాదు
కలిసి కడవరకు ఉండటమే కష్టం..

శ్రధ్ధ లేని బంధం
అశ్రద్ధ ఉన్న తోడు
ఎంత వరుకో ఆ పయనం..

✍️అరుణిమలు