తాను నేను

ప్రియతమ నీవచట కుశలమా
నేనిచట .........

నీవు లేని కుశలం
నా దరికి చేరుతుందా..

దిగులేదో
పెదవి మాటున దాగుని ఉంది..

ఏ క్షణానైనా
కనుల ఆనకట్టలను
దాటి వచ్చేందుకు..

ఎదకెందుకు
ఇంత యాతన..

మన దూరాన్ని
నువ్వు ఎదురించ లేవంటు
సవాలు విసురుతుంది..

చెల్లాచెదురైన
మనసును ఊరడిస్తున్న
ఇంకా తీరదే...

నాకే తెలియని
నేను వివరించలేని
పదాలకు అందని పేచి పెడుతుంది..

కుశలమే..
నీ తలపులలో
తలో దారైన నా ఆలోచనలలో..

✍️అరుణిమలు