అన్ని పంచుకోలేం
అన్ని దాచుకోలేం
చెబితే కానీ తెలుసుకోని నీకు ఏమని చెప్పను...
చెప్పకనే గ్రహించగలవు ఎందుకంటే
ఇక్కడ ఉన్నది నిన్ను దాచుకున్న నీ మనసు కనుక...
నిన్ను ఊపిరిగా నింపుకున్న, మనసు నలుగు బాటు నీకు తెలియదా...
తెలిసి తెలియని నీ నటనల మధ్య... నువ్వు పొందింది ఎంతో కానీ నన్ను నేను కోల్పోయాను నీ దగ్గర...
బదులు రాని ప్రశ్నలు సంధించేది...
బరువెక్కిన గుండెను కుదుటపరిచేందుకే...
కానీ,కుదురు లేని ఈ మనసుకి నిత్య జాగారాలే...
నిత్య అభిషేకాలే నీ నామార్చనతో...
జారే కన్నీటి చుక్కకి బదులు కోరను
అనుభూతికి, అనుభవానికి, ఆశించిన దానికి
నడుమ జరిగే సంఘర్షణకు అందిన ఫలితం కనుక...
అలాగని నన్ను నేను సముదాయించి...
మరుపు మాటుకు పోనూ లేను...
✍️అరుణిమలు
No comments:
Post a Comment