తాను నేను

కళ్ళ నిండా స్వప్నాలే
మెలకువలో కూడా వెన్నంటి ఉంటూ..

కనుల నిండా బాసలే
కమ్మని కబుర్లను
మనసు కాగితం పై లిఖిస్తూ..

చూపులు చిత్రిస్తున్నాయి
ఎద కాన్వాస్ పై మదిలో దాగిన నీ రూపాన్ని..

వాలు కనుల బావిలో
ఎన్నెన్ని భావాల ఊటలో నీకై
లోకాన్ని ముస్తాబు చేస్తున్నాయి నాకై..

చూపులతో గాలిలో లిఖిస్తున్న
నీకై వలపు లేఖలను
చిరుగాలై నిను వచ్చి తాకి ప్రశ్నిస్తుంది
క్షేమమేనా అని

ప్రత్యుత్తరం ఏదని
గుసగుసలు చేస్తుంది నీ చెక్కిళ్ళను తాకి మరీ

కబురంపవోయ్
చిరునవ్వును అద్దిన నా కానుకను..

✍️అరుణిమలు