తాను నేను

నన్ను నేను పొగొట్టేసుకుని
ఎక్కడ ఎక్కడ అంటూ వెతకడం నా అలవాటు..

నీలో దొరకాలని ఆశ
నీలో చూడాలనే తపన

నీలో దాగున్నది నేనే అని తెలుసుకోవాలనే కోరిక
ఏంటో వెర్రి ఆశలు...

నేనున్నది నీలోనే కదా అనే భ్రమ
నిజమా, కాదా అనే ప్రశ్నకు జవాబు కోసం వెతికే అల్ప జీవిని..

జవాబు తెలిసినా
ఒప్పుకోలేని మనసుకు అధిపతిని..

నాలో ఉన్నది మాత్రం నీవేనోయ్
ఒకసారి తడిమి చూడు..

మొగ్గ విచ్చుకున్న పువ్వునై... నువ్వనే పరిమళాన్ని వెదజల్లుతూ మరి చెబుతుంది..
నేనున్నది నీకోసమే నాలో ఉన్నది నీవేనని..

✍️అరుణిమలు