కాలం చాలా దోచేస్తుంది..
నిజమే.. నిన్ను ఇచ్చినట్టే ఇచ్చి నా నవ్వును చిదిమేసింది..!!
కళ్ళకు ఒకలా
మనసుకు ఒకలా
మెదడుకు ఒకలా.. చూపిస్తుంది నిన్ను..!!
నిన్నే నమ్మానేమో.. నువ్వు చేసే కనికట్టు పసిగట్టలేకున్న..
నీ ఆలోచనలలో ఉన్నానేమో.. నీలా ఆలోచించాలనే ఉపాయం మరిచా..!!
ఎరిగినదంత వ్యధగా మారి సొద పెడుతుంది..
ఎరగనిదంత ప్రశ్నలలో పడేసి ముందుకు కదలనివ్వను అంటుంది..!!
కూసింత తెప్పరిల్లేది ఎలా..!?
ఈ మనసు..
మౌనమై నీ మనసు దాడి చేస్తుంటే
నీ మాటల ఈటెల గాట్లు ఆరనే లేదే
నీ అహం వెనుక అర్ధం వేరు
నీ పలుకలలో తీయదనం వేరు..
నా బలం నువ్వే
బలహీతగా మారింది నువ్వే
బెదిరింపుగా కనిపించేది నువ్వే
నిందగా మారి ప్రశ్నించేది నువ్వే..!!
✍️అరుణిమలు
No comments:
Post a Comment