తాను నేను

అధికారం ఉన్నవాడివి
ఇంకా బదులు కోసం ఎదురు చూస్తావేం..

నిర్ణయాల నడుమ ఈ ఆలోచనలు దేనికి
అవకాశాలు సృష్టించుకోలేవా..

ఇష్టాన్ని చూపించడానికి వెనుకాడని వాడివి
మరి అధికారం చూపించడానికి ఏమయిందీ..

నువ్వు పిలిస్తే బదులివ్వక ఉన్నానా
నువ్వు చేయి చాచితే జంకుతాననే ఈ జంకు నీకేలట..

అడిగి నాపై నమ్మకాన్ని చిన్న చూపు చేస్తావేం
అడగక ఇచ్చిన మనసు కన్నానా..

నీ జీవితాన్నే నాతో ముడివేస్తే కాదంటానా
నీ జతగా నే మనలేనంటానా...

వినపడిందా..
ఓయ్ నిన్నేనోయ్..
నీ డైలాగులు నేనే చెప్పేసా ఇక కానీయ్..

✍️అరుణిమలు